| 仲有六個鐘... 仲有六個鐘就放榜 相信十個有九個都好忐忑... 當然我都係... 咁就過左中小學階段 真係話咁快 原來時間真係過得好快 依家先發覺... 太遲啦... 放榜之後何去何從... 冇人知 不過在這之前 我就一定要同大家講 千祈唔好放棄! 一定要撐住~!! 喊唔緊要... 灰心都唔緊要... 最緊要係可以收拾心情 努力搵出路 因為你地有既就係我地彼此之間既友情 呢個係最大既支持!! 各位... 加油 要勇敢面對 因為... "總有出頭天"!! =] 一切順利 to all my loved friends~ |
| |
| 話咁快... 又過左個幾月... d時間真係過得好快lo... 完全唔知做過d咩... 28號畢業 30號放榜 咁就過左7年 中學生活咁就完結 過埋呢個暑假唔知大家會係邊度呢~~??! 不過係邊度都好 都緊要都係大家唔好忘記預科既生活 當中有好多歡樂... 冇大家既投入 就一定冇咁精彩既生活 尋晚係謝師宴 我尋日先知原來我比人既感覺係帶少少感性既'感性解' 可能係講笑...不過都好開心~ 起碼我係同學既心目中都有一個唔錯既印象 而且我都覺得自己屬於呢種人 不過收得好埋... 唔會always都咁感性 = = 不過希望大家都會珍惜呢7年既校園生活啦~ 即使以前唔係係伍華讀既同學~ 尋晚...係8號風球既恐懼之下 大部份老師都好早走 而酒店亦趕住執野收工 所以我地個grad din都係係好hurry既情況之下散band... 尋晚最正既都真係莫過於見到一對兄弟... 呢對兄弟一d都唔陌生 而且成日都借$幫人 佢地就係安信兄弟 憑自我~ 硬漢子~ 
著左白色衫...搞到我都有d似佢地... -.-'' 發覺好多相都好朦...    
upload 得好慢...所以up幾幅3人照算啦... == 下次得閒先再打xg啦~ |
| |
| 又過左個幾月... 又係好耐冇打xg 不過呢個幾月都幾漫長... 終於... 依家...al完左啦... 工又搵左啦...反斗城...(不過唔好羨慕...時薪only $22) 而且已經有一科HD in 左... 同埋聽日就去taiwan啦~ 去探阿爺...可能好悶... =.=" 雖然好似好多野做咁... 不過我最想做既就好似未做到... 就係搵番d fd出去玩... al期間都有聯絡過下... 不過al後就未搵過... 覺得自己真係好懶... >.< 懶得去搵... 真係...唉... 去完taiwan... 要積極番d搵番佢地~ 就算伍華既都係~ 不過仲有好多personal既野未做... 要認真做既就起碼要個幾兩個禮拜... 都唔知去邊度搵... so一定要分開黎做... 真係好多好多野想做... lego都仲有幾盒未砌... 仲要今日先再bid左盒... 哈哈~ 真係有排砌... 仲有機械人比賽... 今年自己走左去做野... so好少番去整...sorry... 真係好多好多野做... 不過都好~ 證明呢個暑假"應該"唔會浪費~ 會比較充實~ if 自己唔係日日呢o係屋企打機既話... (因為呢個禮拜都係咁...) =.="" 好啦~ 16號就會番黎~ 再見啦~ 各位~ 得閒就留個言啦~ 哈哈~ see you guys later~~ =] |
| |
| 真係好耐冇打xg啦~~ 話咁快...咁就2個月... last day 農曆新年 畢業試 中化oral study leave... 話咁快就過晒~ 31號...就要迎戰 真係話咁快... 24號先考完... 2/5考英文oral... dear my fds~ 1個月後... 再見~!!!! 加油呀~!!!!!  hope god bless us all~
|
| |
| 話咁快... 中7既生活只係剩番兩日... 係前兩個星期... 剛舉辦左陸運會~ 呢次陸運會係我7年黎最開心既~ 而且我覺得係令7B最團結既一次活動 1500米 真係好難忘 仲有拍照日... 我知... 好多好多開心既回憶 永遠都會埋藏在我地既心裡邊... 好快好快... 我地就要離開... "伍華書院"陪左我13年 哈哈~ 雖然唔知中7離開之後我地會去邊 但係好似已經注定要我同我既朋友永遠別離 雖然我知道呢個係錯覺... 但係我都覺得好難受... 因為此終要講再見... 我真係好唔鐘意要離開我身邊所有人 亦唔鐘意我身邊既人離開我... 但係每個人都有佢地自己既命運... 冇可能所有人都會陪住我 而我亦如是 我好明白... 我只希望我地都會記住大家 係某一日 團聚 面對時代的巨輪 我地只可以跟著走 特別在這個節奏如此急速的城市... 但幸而這也是一個好細小既城市... 要相聚... 應該唔難掛~!!  
對我係伍華識到既所有朋友講 識到你地 係我既榮幸 多謝你地冇離棄過我 |
| |
