18~21號 去左個camp... 係教會camp 都係d伍華仔叫我去 初頭以為會好悶... 但係原來係個好好玩既camp~ 不過呢個唔係最重點... 最重點係一齊玩個d人真係好nice~ 而且呢個camp唔單止識朋友...玩到癲晒咁簡單... 仲比左我一個好好既機會去反思自己一路以黎既生活... 乜野係岩...乜野係錯... 發覺以前做決定個陣真係冇諗清楚或者根本唔知... 係個幾日回顧番以前...原來好多野我真係做錯左... 原來一直都係自以為是... 仲有就係自己既價值觀... 其實一路都知道自己擁有最寶貴既野係家人同朋友 但係個固中原因就真係去左個camp先知道... 其實人同人之間既關係可以好簡單... 發覺自己成日都諗多左... 原來朋友之間真係可以聆聽同開解,了解同支持 係無私既奉獻... 一路以黎都未咁深深感受過... 呢個camp係咁耐以黎唯一一個令我咁投入..咁放開自己..同咁深刻既... 其實可以去到呢個camp真係一個非常偶然既機會... 因為我原本係冇份之後變候補先有得去... 可能呢個真係神既安排...我唔知... 去完個camp之後...發覺當自己可以用一個感恩既態度去睇美好既野 而唔係only覺得幸運既時候... 會發覺原來開心...都唔係咁困難~ 呢個camp... 我真係獲益良多 由原本冇期望...到有意外收穫 真係好驚喜 不過呢個camp冇主動去識過朋友... 因為發覺咁樣反而唔可以比自己時間好好清醒下去諗野... 摩西家...真係好開心可以入到呢個大家庭~ 真係好多謝你地比到一段咁難忘同咁開心既日子我~ 不過...當出左camp之後... 我即刻發覺左一樣野... 就係原來我差唔多同F.5個班fd完全脫節... 點解咁講~? 因為我發覺同佢地既交流真係愈來愈少... 行街睇戲食飯打波去camp都已經唔會點搵我... 除左重大日子同生日飯之外...好似已經唔會再有相聚既時間... 不過呢d都係好表面...最緊要既係同佢地好似已經冇計傾...好似已經係外人一樣... 當我一諗到呢個問題...我真係好down... 我自問唔係一個吹水叻既人...所以好少無啦啦搵人吹下水傾下計... 通常都係人地拋個話題出黎講... 因為我唔知有咩話題可以講... 而且有時好奇怪點解自己某d鐘意既野同自己d朋友唔一樣... 因為我真係冇乜野可以同佢地一齊分享... 而呢d都絕對係一個我識到新朋友但係完全唔熟既其中一d原因... 而我一早已經知...但係一路都冇解決辦法... 只可以不斷"諗"話題...完全唔自然... 講真...叫我同人傾心事一定好過叫我同人吹水... 都唔知吹乜~!? 發覺自己可能係一個比較孤僻既人... 我真係唔想係咁... 好想可以繼續同以前d朋友咁fd... 好想搵番個同我志同道合既fd... 唔通呢個係一個上天要我克服既難關? 我應該點做... 唉... | 
